ខេត្តកំពង់ធំ៖ នៅរសៀលថ្ងៃទី ៣១ ខែ កក្ដដាឆ្នាំ ២០២៦ កន្លងទៅថ្មីៗនេះ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ អនុប្រធានអចិន្ដ្រៃយ៍នៃគណៈកម្មការការពារ ទប់ស្កាត់ និងបង្ក្រាបបទល្មើសធនធានធម្មជាតិ ខេត្តកំពង់ធំបានដឹកនាំកងកម្លំាងចម្រុះ ដែលប្រចាំការនៅទីបញ្ជាការស្រាល នៅឃុំផាត់សណ្តាយ ស្រុកកំពង់ស្វាយ ត្រួតពិនិត្យភូមិសាស្ត្រ និងបង្ក្រាបឧបករណ៍នេសាទខុសច្បាប់នៅតំបន់បឹងធំ នៅពេលទឹករាជចេញពីស្ទឹងសែនហូរចូលតំបន់បឹងធំ ក្នុងរដូវបិទនេសាទ ឆ្នាំ២០២៦ ។
ឧត្តមសេនីយ៍ទោ សោម ស៊ុន បាបានបញ្ជាក់ថាឮ នៅក្នុងពេលត្រួតពិនិត្យនេះ បានជួបប្រទះនូវឧបករណ៍នេសាទខុសច្បាប់មួយចំនួន ដែលបានដាក់ថ្មីៗកាត់ទទឹងមាត់ព្រែក ដែលត្រូវពូជត្រីចល័តបម្លាស់ទីរកកន្លែងពងកូន ធ្វេីឲ្យប៉ះពាល់យ៉ាងធ្ងន់ធ្ងរដល់ធនធានមច្ឆ:ជាតិ ក្នុងរដូវពងកូន ដែលជារដូវបិទនេសាទ ហើយត្រូវបានច្បាប់បានហាមឃាត់ជាដាច់ខាត ។
នៅក្នុងឱកាសនេះ កងកម្លាំងចម្រុះខេត្តកំពង់ធំ ប្រចាំការនៅទីបញ្ជាការស្រាល នៅឃុំផាត់សណ្តាយ ស្រុកកំពង់ស្វាយ ខេត្តកំពង់ធំ បានធ្វើសកម្មភាពកាប់បំផ្លាញចោលឧបករណ៍នេសាទខុសច្បាប់នៅហ្នឹងកន្លែង មានរបាំងស្បៃមុងដែលច្បាប់បានហាមឃាត់ដាច់ខាតប្រវែងជាង ១០០ ម៉ែត្រ និងរបាំងសាច់អួនក្រឡាញឹកដាក់កាត់បិទទទឹងដងព្រែកប្រវែងជាង ១០០ ម៉ែត្រ ផ្សេងទៀត ព្រមទាំងបង្គោលឈេីមួយចំនួនទៀត ផងដែរ ។ ជាមួយនេះដែរ កងកម្លំាងចម្រុះក៍បានណែនាំ ដល់អាជ្ញាធរដែនដីភូមិ និងប្រជាពលរដ្ឋ មួយចំនួន ដែលបានដាក់ឧបករណ៍នេសាទខុសច្បាប់ នៅតំបន់បឹងធំនេះ ឲ្យគាត់រុះរើចេញ ដើម្បីឲ្យពូជត្រីបានឡើងពងកូនធ្វើឲ្យធនធាន មច្ឆាជាតិរបស់យើងបានសំបូរឡើងវិញ សម្រាប់បម្រើសេចក្តីត្រូវការរបស់ប្រជាជនយើងនៅទូទាំងប្រទេស ។
No comments:
Post a Comment