លោកវរសេនីយ៍ឯក ចាន់ ដា មេបញ្ជាការរង បានអញ្ជើញដឹកនាំកម្លាំងជំនាញកងរាជអាវុធហត្ថប្រជុំផ្សព្វផ្សាយនិងពង្រឹងការងារជំនាញស្រាវជ្រាវ និងបង្ក្រាបបទល្មើស ក្នុងទិសដៅដើម្បីឲ្យជំនាញកាន់តែមានប្រសិទ្ធភាពខ្ពស់បន្ថែមទៀតក្នុងការបំពេញការងារតួនាទីភារកិច្ចជូនដល់ប្រជាពលរដ្ឋនិងអង្គភាព...

កំពង់ស្ពឺ៖ដោយទទួលបានការអនុញ្ញាតនិងមានការចង្អុលបង្ហាញពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺនាវេលាម៉ោង៨:៣០នាទីព្រឹក ថ្ងៃទី០៩ ខែមីនា ឆ្នាំ២០២៦នេះ លោកវរសេនីយ៍ឯក ចាន់ ដា មេបញ្ជាការរង ទទួលជំនាញមន្ទីរស្រាវជ្រាវ និងបង្រ្កាបទល្មើស បានអញ្ជើញដឹកនាំកម្លាំងជំនាញកងរាជអាវុធហត្ថប្រជុំផ្សព្វផ្សាយនិងពង្រឹងការងារជំនាញស្រាវជ្រាវ និងបង្ក្រាប នៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ។

ក្នុងកិច្ចប្រជុំនេះដែរ មានការចូលរួមពីសំណាក់ លោកប្រធាន-អនុប្រធានមន្ទីរ,លោកនាយ-នាយរងករិយាល័យ រួមទាំងមន្រ្តីទទួលជំនាញស្រាវជ្រាវ ព័ត៌មានសន្តិសុខ តាមបណ្តាមូលដ្ឋានក្រុង-ស្រុក មកចូលរួមផងដែរ។គោលបំណងដើម្បីពង្រឹងការងារជំនាញ មន្ទីរស្រាវជ្រាវ ព័ត៌មានសន្តិសុខ តាមបណ្តាមូលដ្ឋានក្រុង-ស្រុក និងការិយាល័យទាំងអស់ដែលចំណុះក្នុងមន្ទីរ។

ថ្លែងក្នុងកិច្ចប្រជុំ លោកវរសេនីយ៍ឯក ចាន់ ដា មេបញ្ជាការរង ក៏បានពាំនាំយកនូវបទបញ្ជាសំខាន់ៗរបស់ លោកឧត្តមសេនីយ៍ត្រី ម៉េង ស្រ៊ុន មេបញ្ចាការ ផ្សព្វផ្សាយដល់កម្លាំងជំនាញទាំងអស់ឲ្យបានដឹងផងដែរ ក្នុងទិសដៅដើម្បីឲ្យជំនាញកាន់តែមានប្រសិទ្ធភាពខ្ពស់បន្ថែមទៀតក្នុងការបំពេញការងារតួនាទីភារកិច្ចជូនដល់ប្រជាពលរដ្ឋនិងអង្គភាពផងដែរ៕
#បញ្ជាការដ្ឋានកងរាជអាវុធហត្ថខេត្តកំពង់ស្ពឺ
✅